Qui sert d’entretien aux esprits,
Fasse voir en diuers escrits
Cette feste si solemnelle,
Cette débauche vniuerselle
Ce banquet qui sera fameux
Et dont vn iour chez nos neueux
On verra la noble peinture,
On peut en cette conjoncture
Lancer quelque trait bien charmant,
On peut railler innocemment
Aucun Mouchard, comme ie pense,
Ne croira pas que ie l’offense,
Ce que i’escris sans ornement
Et qu’on nomme burlesquement,
Dans ce temps où Burlesque on aime
Sera pris par Burlesque mesme,
Ce que Mouchards ont fait illec,
Ie dis de lauer bien le bec,
Auec bon vin, il n’est personne
Quoy que melancolique & bonne
Qui n’en fit autant qu’ils ont fait
Cette auanture est en effet
Il ne faut pas que l’on en doute,
Si ce n’est que qui ne voit goute,
Ie veux dire les Quinze-Vingts
Qui ne sont pas trop bons deuins,
Ne veüille pas auiourd’huy croire
Ce qui peut passer pour Histoire,
Ce banquet, pour le dire au vray
Tasche à apprendre où il fut fait.

FIN.