DEMOCRITE
ET HERACLITE,
RIANT ET PLEVRANT,
sur le temps qui court.

DIALOGVE SATYRIQVE.

Democ. VOILA bien braire, bien criailler, &
bien pleurer pour vn grand Philosophe.
Herac. Il te fait beau voir, pour
vn habile homme, t’esclater de rire
comme vn fol, principalement en la
saison où nous sommes. Democ. N’est il pas permis en toute
saison de faire l’homme ; or le rire est vn propre de l’animal
raisonnable dont les bestes sont priuées : car on ne remarque
point qu’il y en ait pas vne qui rie, mais quasi toutes crient,
se plaignent, heurlent, beuglent, & pleurent comme toy ;
c’est le propre des cerfs, & des biches timides de verser
des larmes, ou des lasches comme des veaux de pleurer.
Herac. Pourquoy donc le prouerbe, dit-il, qu’il y a temps de
pleurer, & temps de rire. Democ. Mais tu pleure tousiours.
Herac. Mais tu ris tousiours, & encor cependant que toute le
monde pleure, & non sans cause durant ce temps mal-heureux.
Le Philosophe doit posseder toutes les vertus, la charité
qui en est vne, doit estre pratiquée par le sage qui attire
apres elle la compassion du mal de son prochain. Democ. Cette
mesme Philosophie nous apprend que l’homme sage qui
doit tousiours estre égal à luy-mesme, & dominer ses passions

page précédent(e)

page suivant(e)