de l’Empire. Tel que fut Constantin sixiesme
fils de l’Empereur Leon quatriesme, qui Regna
fort ieune auec Irene sa Mere l’espace de
dix-ans : Cette Princesse qui estoit d’Athenes
excella son sexe en prudence & en iugement
au grand contentement des Peuples.

Constantin son fils mal conseillé, affin de se
voir seul assis au Throsne Imperial, chassa
Irene sa Mere & regna seul cinq ans : Mais
comme le Peuple de Constantinople le mesprisoient
pour les actions indignes d’vn Prince
ne pouuant souffrir ses vices infames & honteux,
/> r’appella srene sa Mere pour reprendre
sa premiere dignité, & comme elle ne pouuoit
oublier l’affront que Constantin son fils
luy auoit fait, en la priuant de l’Empire, elle
luy fit creuer les yeux pour le rendre incapable
de commander, & ainsi elle regna seule
trois ans : L’imbecilité de ce ieune Prince &
sa vie dissoluë fut cause de la diuision de
l’Empire Romain partagé en d’eux, sçauoir
en l’Empire d’Orient & en l’Empire d’Occident,
auquel fut appellé Charlemagne par
le Conseil du Pape Leon III. & a l’instante
poursuitte du Peuple qui ne pouuant plus endurer
l’Empire de ce ieune Prince, qui ne regnoit
que selon le caprice & la volonté de ses