Anonyme [1651], LE BON FRANÇOIS AV VERITABLE MAZARIN DEGVISÉ SOVBS LE NOM DV FRANC BOVRGEOIS DE PARIS. , français, latinRéférence RIM : M0_588. Cote locale : B_20_22.
page précédent(e)

page suivant(e)

-- 12 --

laissons point surprendre à ces faux bruits que
Monsieur le Prince a manqué de respect enuers
Leurs Majestez, puis que ce n’est qu’auec douleur
qu’il a differé de s’acquiter de ce deuoir ;
qu’il a enfin rendu quand il a creu le pouuoir
faire en asseurance ; Mais detestons plustost les
mauuais conseils qui ont reduits la France en
cét estat ; Que les Princes ne se croyent pas
asseurés de leurs vie, & de leur liberté quand
ils sont dans le Palais Royal, & qu’ils cherchent
des precautions pour voir leur Souuerain, duquel
ils ne deuroient iamais estre separez, &
particulierement dans la minorité, par ce qu’ils
sont lors le Conseil necessaire de l’Estat, comme
ils sont tousiours le plus legitime que le Roy
puisse auoir, mesme quand il est pleinement
majeur, & que ses lumieres sont assez fortes pour
conduire par luy mesme les peuples que Dieu a
sousmis à son obeïssance.

 

Escoutons bien plustost la voix de tout le
Royaume qui a prononcé Anatheme contre ce
Cardinal & ses Partisans, sousmettons nostre
creance aux Arrests de tous les Parlemens, qui
ont proscrit ce ministere nõ seulement ; parce que
sa conduite a esté malheureuse : mais par ce qu’elle
est criminelle, & par ses oppositions à la
paix generalle, & par ses entreprises sur la liberté



page précédent(e)

page suivant(e)