ietter dans le trouble, & dans le desordre qui
sont les fidels compagnons de ce Ministre, ainsi
que l’Allemagne en fait à present l’experience
pour recompense de la retraite qu’elle luy a donné
dans son malheur.

Si vous auiez bien consideré la conduite du
Prince de Condé, vous n’auriez pas tourné contre
luy l’esloignement d’vne partie de sa famille, auquel
il s’est resolu autant pour la seureté publique,
que pour la sienne particuliere, & demeurant
dans Paris, & y consommant l’appareil qu’il
auoit preparé pour son entrée dans Bordeaux,
il fait assez cognoistre qu’il ne veut point la
Guerre ciuille, & pour peu de reflexions que
Paris fasse sur son veritable interest : Il n’y a
pas vn de ces Citoyens qui ne doiue contribuer
de tout son pouuoir pour le conseruer
dans l’enceinte de ses murailles ; estant certain
que tandis qu’il y trouuera sa seureté, non seulement
nous n’aurons point sujet de craindre
les mouuements, dont cet Autheur nous menasse ;
Mais nous serons dans vne parfaicte asseurance
contre les coniurations infernalles de
ce Cardinal, & de tous ses Supposts, dont
l’on sçait qu’il n’a remis l’execution que pour
l’entreprendre auec plus d’audace & d’impunité.

Enfin, MESSIEVRS DE PARIS, ne nous