Dans les cœurs de ces Deïtez,
Qui croyent que par leurs beautez,
Elles doiuent estre immortelles,
Tous les iours des flames nouuelles,
Leurs font dresser de nouueaux vœux
A l’Amour, pour leurs amoureux.
Ie ne puis passer sous silence,>
De discourir de l’insolence,
Des flatteurs de ce siecle icy,
Qui ne prennent autre soucy,
Que de loüer les plus grand crimes,
Comme des Vertus tres sublimes ;
Ils sont causes ces insensez,
De tant de maux qui sont passez ;
Car s’ils parloient sans flatterie,
On verroit bien-tost la furie
Du Prince, & de ce Mazarin,
Estre dans sa derniere fin,
Et la Vertu pourroit renaistre,
Laquelle nous feroit paroistre,
Par vn miracle tout nouueau,
Les yeux de l’Honneur sans bandeau.

FIN.