Anonyme [1652], LA VERITÉ, PARLANTE AVEC liberté, sur l’Estat present. I. Sur la corruption de tous les Ordres & Loix du Royaume, dans le Ministere du Cardinal Mazarin. II. Sur les mal-heurs que la France à soufferts par sa tyrannie. III. Sur les moyens de preuenir à l’aduenir le Gouuernement des Estrangers. IV. Et pour pourueoir à la Regence durant la Minorité & le bas-aage de nos Rois. , françaisRéférence RIM : M0_3997. Cote locale : B_17_27.
page précédent(e)

page suivant(e)

-- 3 --

LA VERITÉ, PARLANTE
auec liberté, sur l’Estat present.

Les Catons, les Phocions & les Themicles
estoient haїs à Rome & dans Athenes
par ceux qui n’auoient haleine que pour la guerre,
& eux portez d’vn esprit de paix pour le
bien & le salut de la Republique. Pour Marc,
Caton Porcien le Censeur estoit de la Ville de
Tusculum, lequel auoit en luy les trois plus excellentes
parties que l’on pourroit desirer en vn
homme public : car premierement il estoit
grand Orateur, vaillant Capitaine & de tres-bon
Conseil, n’approuuant iamais les Guerres
Ciuiles ; mais pour entretenir les soldats en exercice,
il conseilloit les employer aux guerres
estrangeres, comme en celles de Cartage, jettant
ainsi sur les ennemis de la Republique, les
expeditions militaires pour nourrir la paix &
le repos parmy les Romains : ce qui luy faisoit
acquerir la haine de ceux qui vouloient ruiner
la patrie par les Guerres Ciuiles.

Phocion, recommandable pour ses grandes
vertus, l’amour de sa patrie & ennemy de ceux



page précédent(e)

page suivant(e)