& Parlement : declare de sa propre bouche sa Majorité,
& plus amplement par la voix de Monsieur
son Chancelier, comme Majeur, donne
Audience le premier à son Procureur General
& à ses sujets, & s’il se presente des Causes dignes
d’estre plaidées, elles le sont en sa presence :
Charles neufiéme voulut faire sa Declaration de
rité estant en Normandie.

Or comme il a esté dit au commencement le
Roi Charles cinquiéme Autheur de cette Ordonnance
trouua bien le remede pour la Maiorité
de son fils, la Minorité duquel il voioit deuant
ses yeux, mais il ne preuint pas l’estrange
accident du trouble de son esprit ; le quel troubla
tellement son Royaume, qu’il le cuida perdre
entierement. L’Histoire en est trop vulgaire, &
la douleur trop sensible pour en renouueller le
souuenir, suffise que par faute d’vne bonne Loy,
pour la Regence, on lui laissa le gouuernement
de ce grand Roiaume, quoi qu’il ne sçeut se gouuerner
soi-mesme ; plusieurs s’emparerent de ce
Gouuernement, qui n’i estoient appellez par
aucune Loy, laquelle decidast leur controuerse ;
& lors sous son authorité l’on exhereda son fils
Monseigneur le Dauphin : depuis Charles VII.
le Roy d’Angleterre fut fait gendre du Roi &
Regent du Roiaume. Apres la mort de Charles
VI. le Roi d’Angleterre voulut se faire Roi, il