creées ainsi que nostre Cardinal Mazarin,
selon qu’on le peut voir par les procedures
dontil se seruoit pour se rendre maistre absolu
de tous les afaires de France.

Quatriesme & pernitieuse intention que le Cardinal
Mazarin auoit conceuë contre M. le D. d’Orleans.

Qve n’a til pas encore voulu entreprendre
contre son Altesse Royale, lors qu’il
la fait soubsigner à la detention des Princes,
par vne surprise à nul autre pareille, pour se
defaire de l’vn & pour mettre son Altesse Royale
fort mal dans l’esprit de l’autre ? Et comme
il a veu que ce grãd Prince commençoit à dessiller
les yeux à ses pernicieuses intentions, &
qu’il commençoit pareillemẽt aussi à murmurer
contre ses maudites procedures, n’a t’il pas
voulu attenter contre luy, & n’a t’il pas consulté
auec les complices de ses abominables
desseins, quels moyens il pouroit tenir pour
se saisir de sa personne, afin de n’auoir point de
puissance au dessus de la sienne, qui le peut
empescher d’entre prendre tout ce qu’il luy
plairoit, pour punir ceux qui se voudroiẽt opposer
à ses prodigieuses volontez, & pour acheuer
de prendre & de piller tout l’or & l’argent
de France, sans craindre aucune contradiction,