honneur à ceux qui les sçauent gouuerner, pour la conscription
de mon authorité, si vous voulez que ie trauaille
à vostre repos, & que ie vous procure vne paix aussi longue
que la durée des Siecles.

C’est dequoy ie m’estonne de voir que vous ne voulez
pas tendre les mains qu’à vostre propre mal-heur, & que
vous ne fassiez vanité que d’estre les propres artisans de vostre
disgrace.

Soyez donc tels enuers moy que voulez que ie sois enuers
vous, & prenez la peine de m’ayder à vous sortir du
precipice ou vous auez pris plaisir de vous mettre par vostre
imprudence. Apres cela vous ne deuez plus rien apprehender,
& il n’est point de crime quelque enorme qu’il
soit, que ie ne fasse vanité de pardonner à tous mes sujets,
d’vn aussi bon cœur que ie veux que Dieu me pardonne.

Il n’en est pas vn qui ne soit asseuré de faire beaucoup
plus pour luy & pour les siens, en adherant à mes volontez,
qu’en s’opposant à mes Ordonnances.

Que chacun s imagine que l’action dont il prit estre coulpable
m est inconnuë, puis que ie la veux oublier, & qu’il
croye que i’ay vne parfaicte connoissance de la grande passion
qu’il a de vouloir mieux faire à l’aduenir, afin de se
porter plus librement au bon heur que ie luy prepare.

Faites en sorte que ceux qui viendront apres nous, ne
vous puissent iamais accuser d’aucun acte d’infidelité : &
quand vous verrez que quelque Calomniateur parlera mal
de ses Superieurs, reprenez-le hardiment de cette action,
si vous ne voulez estre criminel du mesme attentat, en adherant
à ses malefices.

Ne faites plus comme vous auez desia fait, des assemblées
sans mon consentement ; car telles Congregations
sont extremement dangereuses à l’authorité du Souuerain,
& au bien & au repos de tous ses peuples. Il ne suffit
pas de s’abstenir de faire du mal : mais il faut encore éuiter
toutes les choses qui peuuent faire mal penser de vostre
Personne.

Faites estat qu’il n’y a rien au monde que i’estime plus