Si bas, bas, bas, dans vne plaine,
N’ayant plus de poulx, ny d’haleine,
Les membres secs, & tous ternis ;
I’y cherchay d’abord saint Denis,
Et ie ny vis ny bourg ny ville,
Mais ie ne sçay combien de mille
Ou plustost de millions de gens
Pasles, trancis, secs, negligens,
Tous faits d’vne étrange maniere,
Qui sur le bord d’vne riuiere
Demandoient vn certain bateau
Pour passer promptement cét eau,
Ie fus tout d’vn coup bien en peine,
Si c’estoit le Tybre ou la Seine
Fleuues, que i’ay tousiours cheris,
L’vn à Rome, & l’autre à Paris :
Mais ce passeur ayant fait gile,
Il me souuint de mon virgile,
Du Cocite, Stix, Acheron,
Et de la barque de Caron,
Où passa Monseigneur Enée
Pour voir la troupe fortunée
Du bon homme Anchise & des siens
Dans ces beaux Champs Elisiens ;
Me voicy donc (dis-je en moy-mesme)
Nonobstant ma faueur supréme,
Me voicy tout pres des enfers,
Sur le poinct de porter les fers ?

page précédent(e)

page suivant(e)