comme du sieur Foulé, lequel sans aucun
respect de ses Loix veut autoriser ses injustices : Nous
auons esté contraints de reprendre les premieres
voyes de nos plaintes ordinaires, jusques à present
on a voulu estouffer la liberté de dire nos douleurs,
on ne veut pas ouïr parler de celuy qui est la cause
de nos maux, ny nous descharger du poids qui nous
accable. Ces delais de justice, MESSIEVRS, sont
ce que les Anciens appelloient afflictiones judicij,
lesquels estans suiuis du voyage que le Roy fait en
Guyenne ont tellement effrayé les peuples, qu’ils
croyent que sa Majesté ne peut auoir d’autre objet
que de remettre & de faire recognoistre dans Bourdeaux
Monsieur d’Espernon, qui a trouué toute sorte
de support prés de Monsieur le Cardinal Mazarin,
& de se deffaire des gens de bien qui se sont opposés
à ses oppressions ; ce qui seroit ruiner entierement
la Prouince si on ne nous estoit pas celuy
qui l’ayant desolée s’est rendu l’objet de l’auersion
des peuples, & de la haine legitime de l’Eglise.

Pendant tous ces desordres, pendant le souuenir
de nos malheurs, nous nous sommes trouués dans
vne admirable conjoncture, Nous auons veu dans
vne mesme année nostre Bureau seruir d’Autel
pour y mettre le sacré Corps du Fils de Dieu, qui
auoit esté foulé aux pieds par des Soldats impies de
l’armée de Mõsieur d’Espernõ, qui venoiẽt de piller