faueur, arrest le cours de la violence des armes de
Monsieur d’Espernon, & nous procura l’expedition
de plusieurs promesses, l’execution desquelles nous
pouuoit faire esperer quelque douceur, si celuy qui
auoit esté l’auteur & la cause de nos maux n’eust pas
esté maintenu parmy nous dans la Prouince ; Le desir
de conseruer cette paix, l’apprehension de perdre
ce repos, nous obligea de demeurer fermes dãs
la demande du changemẽt de Gouuerneur, c’est le
seul gage de nos asseurances ; & pour le poursuiure
Messieurs les Deputés du Parlement de Bourdeaux
ont esté plus d’vn an aux pieds de leurs Majestés
sans auoir peu rien obtenir, on leur demandoit vn
peu d’obeïssance, (ce sont les termes dont on vsoit)
bien qu’ils ne s’en soient jamais separés, & qu’il soit
de nostre fidelité de la rẽdre toute entiere, par le defaut
qu’ils disoient de ce peu d’obeïssance ; on taschoit
de nous mettre dans le crime, mais pour nostre
justification il me suffira de dire, que dans la dependãce
des sujets enuers leur Roy, il y en a qui s’attachent
à la qualité, laquelle est inseparable de la
personne ; de ceux qui s’attachent à la personne seulement,
il en est commede la mere de ces Apostres,
laquelle de leur consentement ne demandoit au
Fils de Dieu que des hõneurs pour ses enfans qu’ils
fussent assis à ses costés proche de sa personne : Ceux

page précédent(e)

page suivant(e)