leurs Iuges naturels.

Ce sont les chefs de nos plaintes que le Parlement
de Bourdeaux m’a fait l’honneur de me commettre
pour les porter à ce Parlement tres auguste, les oppressions
faites par le Gouuerneur de la Prouince,
qui nous forcent d’en poursuiure le changement,
les contreuentions aux Declarations & volontés du
Roy concernant la detention de Messieurs les Princes,
& touchãt les Intendans, nous obligent de vous
demander qu’il vous plaise de vous joindre & vnir à
nos justes plaintes, de promouuoir l’execution de
la Declaration, & prendre cognoissance d’vn affaire
qui regarde de si grands Princes, & qui pourroit
causer des suittes si dangereuses & si prejudiciables
à l’Estat ; Enfin nous esperons que par ce moyen
vous procurerés la paix & le repos General à toute
la France, qui est sur le poinct d’estre deschirée par
les sujets du Roy, & que nous obtiendrons le changement
d’vn Gouuerneur, de qui nous ne sçaurions
attendre que des cruautés & des vengeances.

EXTRAIT