LETTRE DV PARLEMENT
de Bordeaux, Escritte toutes les Chambres
Assemblées, à la Reine ; pour la justification de
Monsieur le Prince, sur le sujet de l’escript
de sa Majesté.

MADAME,

Le Discours que nous auons receu contre
la Reputation de Monsieur le Prince, & l’accusation
qu’on faict contre luy d’estre d’intelligence
auec les ennemis de la France, nous a causé autant
d’étonnement que de douleur, Mais comme
nous sçauons que vostre Majesté, qui veille incessamment
au bien de l’Estat, n’a peu sans blesser
cette excellente conduite qu’elle à estably depuis
le commencement de sa Regence taire les aduis
qu’on luy peut auoir donnés, aussi esperons nous
que continuant de maintenir le repos & tranquillité
des Peuples, elle estouffera des maux ineuitables
par la cognoissance qu’elle aura de l’innocence
d’vn Prince, dont les seruices passés & les
occasions presentes donnent de tres veritables
assurances, Mais cõme les deffiances pourroient
continuer dans l’esprit de Monsieur le Prince, si
la punition des Autheurs d’vne accusation si importante
n’esloignoit ceux qui dans le mauuais

page précédent(e)

page suivant(e)