M. B. J. V. D. R. D. L. P. P. T. [1652], EXAMEN DES PARALELLES FAITS PAR VN EXCELLENT PREDICATEVR Entre Dauid & le Cardinal Mazarin, ou pour mieux dire, entre le Traistre Campobasso Italien, auec le mesme Mazarin. Au iugement du Lecteur. Par M. B. I. V. D. R. D. L. P. P. T. , françaisRéférence RIM : M0_1319. Cote locale : B_13_18.
page précédent(e)

page suivant(e)

-- 5 --

Dieu fait d’vne iuste cause sans armes, comme estoit celle de Dauid.
Il ne faudroit plus que le faire le Prophere Daniel, lequel fut ietté
dans la Fosse des Lyons à la suscitation des Princes Medes & Persans
contre la volonté de Darius leur Empereur, nonobstant la
grande affection qu’il luy portoit à cause de son esprit prophetique
Dan. 6. v. 16. 18. Le Roy sit commandement & amenerent Daniel & le
ietterent en la Fosse des Lyons, & le Roy dit à Daniel, ton Dieu que tousiours
tu adore iceluy te deliurera, le Roy sen alla coucher sans soupper & ne
peut dormir. Mais la comparaison ne se pourroit rapporter, car au
lieu de ietter Mazarin en la Fosse des Lions, on le met en lieu d’asseurance
loing de la presence des Lyons de iustice desquels il n’eust
peu eschaper sans estre deuoré comme Perturbateur du repos public
de toute la France.

 

Le Lecteur iugera tout le contraire s’il prend la peine de lire le Iugement
rendu sur le Plaidoyer de l’Autheur de la Verité toute Nuë.

Mais si nous sortons des Histoires Sacrées à la Seculiere, nous
trouuerons beaucoup plus de rapport, & de Paralelle entre Campobasso
Italien de Nation, Fauory du Duc de Bourgogne & Colonel
de Caualerie, & le Cardinal Mazarin, c’est en la vie de Louis II.
lors que le Royaume de France balançoit de force auec les Ducs de
Bourgogne, nommement Charles qui par sa valeur auoit acquis le
Tiltre de Terrible.

Premierement Campobasso estoit Italien, aussi est Mazarin.

Campobasso quitte son Seigneur le Roy d’Espagne pour en se
vouant au Duc de Bourgogne, la trahir par apres. Mazarin quitte
ses Seigneurs le Pape & le mesme Roy d’Espagne, pour en se donnant
au Roy de France, le perdre & son Royaume, ou pour le
moins l’assuiettir à l’Estranger.

Campobasso se veut obliger au Roy Louis XI. & à René Duc de
Lorraine de tuer son Maistre le Duc de Bourgogne. Mazarin en perdant
le Royaume par le trouble qu’il y a apporté fait mourir le Roy
en la ruine de son Estat.

Campobasso donne vn mauuais conseil au gré de son Maistre au
Siege de Nancy. Mazarin en donne vn plus pernicieux pour sieger
la ville de Paris.

Campobasso receut vn soufflet de son Maistre. Mazarin a receu
vn plus grand affront des Parisiens, que mil soufflets & bastonnades
que luy deuoit donner le Roy son Maistre.

Campobasso a trahi son Maistre par ses intelligences auec les princes
Suisses & Allemans. Mazarin par sa perfidie s’est accommodé



page précédent(e)

page suivant(e)