du 17. ensuiuant, par lequel auroit esté ordonné
que Maistres Desmartineaux, & Belot Aduocats
detenus prisonniers par l’ordre du Roy, seroient
par lesdit Conseillers cõmis oüis & interrogez
sur le contenu desdites informations, Interrogatoires
à eux faits par les Conseillers commis lesdits
iour 17 & 18. dudit present mois, contenant
leurs confessions & denegations : TOVT CONSIDERÉ,
Il sera dit, que la Cour a declaré &
declare n’y auoir eu lieu de comprendre en
l’accusation & esdites conclusions du Procureur
General, lesdits de Vendosme Duc de Beaufort,
Gondy Coadiuteur, Broussel & Charton : ce
faisant les a renuoyé & renuoye de ladite accusation,
& seront inuitez de venir prendre leur place.
Faict en Parlement le vingt deuxiesme Ianuier
mil six cens cinquante.

Signé, LE TENEVR.