Du Tillet [signé] [1652], DECLARATION DE MONSEIGNEVR LE DVC D’ORLEANS, ET DE MONSIEVR LE PRINCE DE CONDĖ; FAITE EN PARLEMENT toutes les Chambres assemblées, auec l’Arrest de ladite Cour, des 2. & 3. Septembre 1652. , françaisRéférence RIM : M0_882. Cote locale : B_5_41.
page précédent(e)

page suivant(e)

-- 7 --

sera prié d’escrire audit Seigneur Roy,
que luy & le dit Sieur Prince de Condé, declarent
qu’ils posent les armes presentement, en
enuoyant par sa Majesté les ordres necessaires
pour les trouppes Françoises qui sont soubs
leur Commandement, & Passeport pour les
estrangeres, & accordant vne Declaration
d’Administie en bonne forme : La suppliant
de receuoir à cét effet les Deputez de mondit
Sieur Duc d’Orleans & dudit Sieur Prince. Et
outre, que les Compagnies Souueraines de
cette ville de Paris seront conuiez, ensemble le
Corps de Ville, dans l’Assemblée qui sera faite
à cette fin des principaux Bourgeois d’icelle,
Corps des Marchands & Communautez, de
faire pareille Deputation vers sa Majesté ; ausquelles
assemblées mondit Sieur le Duc d’Orleans
& ledit Sieur Prince seront priez d’assister,
& y faire leur declaration. Fait en Parlement
l’an & iour susdit.

 

Signé DV TILLET.

Collationné à l’Original par moy Conseiller,
Secretaire du Roy, Maison, Couronne de
France & de ses Finances.



page précédent(e)

page suivant(e)