Estrangers, pour les informer des raisons que sadite
Majesté a euës d’éloigner ledit Cardinal, de sa
personne & de ses Conseils ; & de la resolution
qu’elle a prise de ne s’en plus seruir. Ordonne encore
ladite Cour, que les defenses portées par les
precedens Arrests tiendront : Fait iteratiues defenses
à toutes personnes d’y contreuenir, & à
tous Gouuerneurs de donner passage ou retraicte
audit Cardinal & à ses parens & domestiques
Estrangers, en leurs Places ; ny faire aucunes leuées
pour faciliter son retour, sur les peines por
tées par lesdits Arrests, & d’estre décheus de toutes
sortes de dignitez dans le Royaume. Enjoint
à tous subiets du Roy, estans pres de la personne
dudit Cardinal, de retourner en France, dans
le mois apres la publication du present Arrest :
& à faute de ce, sera contre eux procedé suiuant
les Ordonnances. Cependant seront lesdits Ciron,
Brachet & Berthet de nouueau assignez à
la requeste dudit Procureur General, à comparoir
en personne en ladite Cour, pour estre ouys &
interrogez sur la notorieté publique des voyages
par eux faits vers ledit Cardinal : & à ceste fin seront
les informations continuées, pour le tout
fait & rapporté, communiqué audit Procureur
General, estre ordonné ce qu’il appartiendra.
Et seront les autres Parlemens inuitez de donner
pareil Arrest à l’égard dudit Cardinal. Ordonne
aussi que Monsieur le Duc d’Orleans sera

page précédent(e)

page suivant(e)