EXTRAICT
DES REGISTRES
DE PARLEMENT.
CE IOVR la Cour toutes les Chambres
assemblées, le sieur Prince de Conty a
dit, que par la Declaration qu’il fit à la
Cour le 20. de ce mois tant pour luy que
pour les autres Generaux, ils abandonnoient toutes
leurs iustes pretentions pour insister à l’esloignement
du Cardinal Mazarin, seul cause de la continuation
de la guerre, & de tous les autres maux de
la France ; Que les instances que leurs Deputez en
ont fait à la Conference, ont esté iusques icy sans
succez, mais qu’ils l’esperoient tout entier, si par vn
Arrest, la Cour faisoit cognoistre que outre les antiennes
raisons de l’esloignement, il y a encore celle
d’assoupir le feu qui pour son seul suiet, est maintenant
dans toutes les Prouinces & les principales
Villes de ce Royaume ; Et prioit la Cour d’en deliberer :
Et sur ce la matiere mise en deliberation ; LADITE
COVR a arresté qu’il sera fait registre de ladite
proposition, autant duquel sera enuoyé aux Deputez
d’icelle Cour estans à Ruel, lesquels insisteront à ladite
proposition du 20. de ce mois pour l’esloignement