Du Tillet [signé] [1652], ARREST DE LA COVR DE PARLEMENT, PORTANT QV’IL SERA FAIT Assemblée en l’Hostel de cette Ville, pour aduiser les moyens d’entretenir & augmenter les Troupes leuées contre le Cardinal Mazarin, liberté du commerce & des passages, & pour le payement des Rentes deues par sa Majesté. , françaisRéférence RIM : M0_323. Cote locale : D_1_61.
-- 3 --
EXTRAICT DES REGISTRES
de Parlement.
CE iour la Cour, toutes les Chambres assemblées,
Monsieur le Duc d’Orleans
Oncle du Roy, & le sieur Prince de Condé
y estans ; Apres auoir oüy Beschefert
Substitut pour le Procureur General du Roy, &
ayant deliberé sur l’estat des affaires presentes, & execution
de l’Arrest de ladite Cour du 20. de ce mois &
an ; A ORDONNÉ & ordonne, qu’il sera fait incessamment
vne Assemblée generale en l’Hostel de
cette Ville, en la maniere accoustumée, pour aduiser
aux moyens les plus prompts & conuenables, afin
d’auoir des deniers pour employer aux necessitez presentes,
libertez des passages, & du commerce, seureté
& defense de ladite Ville de Paris, & éloignement du
Cardinal Mazarin, suiuant la Declaration du Roy, &
Arrest de ladite Cour ; & que les deniers prouenans
des Fermes des Gabelles, Aydes, cinq grosses Fermes,
Tailles, & autres estans entre les mains des Comptables,
Fermiers & Redeuables, & qui seront à l’aduenir,
seront apportez incessamment en ladite Ville de
Paris, pour estre employez au payement des Rentes
constituées sur icelle, à la décharge de sa Majesté, &
autres necessitez ; nonobstant tous ordres & empeschemens
|