& domestiques estrangers, sous quelque
pretexte que ce soit, de rentrer dans le Royaume,
& autres pays estans sous la protection du
Roy ; auec deffences à tous Gouuerneurs de
Prouinces, & autres Officiers & Subiets dudit
Seigneur Roy, de luy donner retraite, ny entretenir
aucun commerce auec ledit cardinal
par Lettres, Enuoys, & Couriers, ou autrement :
ladite Declaration verifiée en ladite
Cour le sixiesme Septembre dernier. VEV
aussi le Registre fait à la cour le neufiesme de
ce mois, contenant la proposition faite par
Monsieur le Duc d’Orleans oncle du Roy ; &
les conclusions du Procureur General : la matiere
mise en deliberation, LADITE COVR
A ordonné & ordonne, Que par l’vn des Presidens,
& aucuns des Conseillers d’icelle qui
seront deputez, le Roy sera aduerty de ce qui
se passe sur la Frontiere, tant en la leuée des
troupes nouuelles, qu’en la distribution de
l’argent & des bruits qui courẽt du retour dudit
Cardinal Mazarin, du commerce que les
Gouuerneurs des places, frontieres & autres,
ont publiquement auec lui pour faciliter son
retour. Et ledit Seigneur Roy tres-humblement

page précédent(e)

page suivant(e)