Du Tillet [signé] [1651], ARREST DE LA COVR DE PARLEMENT Donné contre le Cardinal Mazarin. , françaisRéférence RIM : M0_305. Cote locale : B_12_2.
page précédent(e)

page suivant(e)

-- 6 --

du Roy & Gouuerneurs des Places qui se
trouueront auoir fauorisé le passage dudit Cardinal,
& l’auoir escorté de leurs personnes ou de
leurs troupes, pareillement criminels de leze
Majesté, descheus de toutes Charges & Gouuernemens,
mesmes des priuileges de Noblesse,
conformément à ladite Declaration & ausdits
Arrests. Et sera ledit Sieur Duc d’Orleans
prié par la Cour, d’employer l’authorité du Roy
& la sienne pour l’execution de ladite Declaration
& desdits Arrests. Ordonne en outre, que
les Conseillers commis & autres, seront enuoyez
és Prouinces & lieux que besoin sera pour l’execution
du present Arrest, duquel sera donné
aduis aux autres Parlemens ; Et iceluy leu, publié
& affiché par tout où besoin sera, à ce qu’aucun
n’en pretende cause d’ignorance. FAICT
en Parlement le vingt-neusiéme Decembre mil
six cens cens cinquante vn.

 

Signé, DV TILLET.

LE Vendredy 30. Decembre 1651. l’Arrest cy-dessus
de Nosseigneurs de la Cour de Parlement a esté leu
& publié à son de trompe & cry public, en tous les Carrefours
ordinaires & extraordinaires, places & lieux
accoustumez à faire cry & proclamations en cette Ville
& Faux-bourgs de Paris par moy Charles Canto Iuré
Crieur ordinaire du Roy en la Ville, Preuosté & Vicomté
de Paris; faisant laquelle publication, i’estois accompagné



page précédent(e)

page suivant(e)