Cét exercice vous presente vn trop glorieux
Sepulcre pour n’y estre pas honorablement inhumez :
& tant de Lauriers qui menacent de
cindre vostre teste, vous invitent au defaut de
la Fortune à adjouster à vostre mort la gloire
de vostre vie. C’est dans cette sanglante curriere
que vous devez faire voir que vostre
courage a tousiours triomphé des hazards, &
que vos armes bravent les plus funestes changemens
de la Fortune : De plus Dieu n’a différé
sa vengeance sur les autheurs de ces troubles
que pour se servir de vous, comme instrumèns
de sa puissance Divine, & adjouster à vôtre
renommée la gloire d’estre les plus vaillans
hommes du monde. Ne différez pas d’avantage,
Messieurs, ne differez pas de metrre en
effet ce qu’vn Dieu vous commande, ce que
le Roy attend de vous, ce que les Princes en
desirent, ce que tant d’Illustres Testes en souhaittent,
ce qu’vn million d’ames vous demandent :
Et enfin, ce que tout vn Royaume espere
de vostre genérosité.

Il vaut bien mieux ou l’on voit qui se peut
former encore quelque embrassement l’estendre
par vn signalé excez de vertu, que de tourner
témérairement le dos estans pres de recevoir
des Palmes pour la recõpense de ses peines,