monter, la delicatesse de vos
membres ne seconde pas encore
la vigueur de vostre
courage ; vostre bras n’est-il
point trop foible pour vn
sceptre si pesant ? vne couronne
qui auroit chancelé sur la
teste des Cesars, peut-elle reposer
auec asseurance sur la
vostre ? Quoy ! déja vous parlez
en Roy ; Et le decret du
Ciel qui vous establit, s’execute
par vostre bouche qui
le prononce, par la voix du
peuple qui l’interprete, &
par les suffrages de vostre
Parlement qui le confirme.

Mais pendant que vous