Anonyme [1652], LE IOVRNAL CONTENANT LES NOVVELLES DE ce qui se passe de plus remarquable dans le Royaume. A Paris le Vendredy 30. Aoust, 1652 , françaisRéférence RIM : M0_1740. Cote locale : B_18_12.
page précédent(e)

page suivant(e)

-- 10 --

qu’elle doit estre verifiees par le Parlement de
Ponthoise : d’autres soustiennent qu’elle ne
peust estre donnee en bonne forme qu’elle ne
soit verifiee par le Parlement de Paris. Les vns
estiment qu’elle est generale sans aucune reserue :
d’autres estiment qu’elle n’est que pour
son A. R. & Monsieur le Prince, & mesmes il
yen a qui craignent pour Monsieur de Beaufort,
pour Monsieur de Broussel & Monsieur de
Louuieres son fils On ne croit pas que si la
Cour auoit de l’aduantage qu’elle espargnast
les Parisiens.

 

Le 27. du courant, toutes les Chambres furent
assemblées dans le Palais, où se trouuerent
son Altesse Royale & Monsieur le Prince, chacun
ayant pris sa place, le Duc d’Orleans (apres
auoir tesmoigné à la Compagnie le desir qu’il
auoit de la Paix, & de voir la tranquilité dans le
Royaume, qu’il auoit creu que le partement
du Cardinal Mazarin y pourroit seruir d’acheminement ;
mais qu’il restoit encor quelque
mauuais conseil aupres du Roy, qu’il falloit par
leur prudence dissiper leurs mauuais desseins,)
presenta à l’Assemblee vne cop pie de la Lettre
qu’il auoit enuoyee en Cour par vn Trõpette,
pour obtenir des passe ports auant que d’y enuoyer
les Deputez : & ensemble vne autre copie



page précédent(e)

page suivant(e)