Anonyme [1649], LA TRANQVILITÉ PVBLIQVE RESTABLIE A PARIS, PAR L’HEVREVX RETOVR de la Paix. ENVOYÉE DV CIEL A LA FRANCE. CONTRE LES FAVX BRVITS SEMEZ AV preiudice de l’honneur de sa Maiesté, & de la tranquilité publique. DISCOVRS MORAL ET POLITIQVE, Dedié au Roy. , françaisRéférence RIM : M0_3801. Cote locale : A_7_58.
page précédent(e)

page suivant(e)

-- 38 --

entiere des affaires, pendant sa minorité.
Que le Duc d’Orleans son oncle soit Lieutenant
general dans toutes les Prouinces du Royaume,
sous l’authorisé de la Reyne, & chef des Conseils
sous la mesme authorité, & en son absence le
Prince de Condé, premier Prince du sang ; demeurant
au pouuoir de la Reyne, de faire choix
de telles personnes que bon luy semblera, pour
deliberer ausdits Conseils, sur les affaires qui leur
seront proposées, sans estre obligée de suiure la
pluralité des voix.

 

Apres quoy ledit Sieur Chancelier remonta
vers vous, SIRE, & mit le genoüil en terre pour
prendre vostre auis par la bouche de ladite Reyne,
qui s’excusa de dire son sentiment, n’en ayant
point d’autre, que la resolution qui seroit prise
par la Compagnie. De sorte que le Sieur Chancelier
estant retourné en sa place ordinaire, & demandé
les auis ; le Duc d’Orleans dit, qu’il desiroit
que l’authorité demeurast toute entiere à la
Reyne, conformement aux conclusions des
Gens du Roy. Ce qui fut suiuy par le Prince de
Condé, premier Prince du sang, ajoustant à son
auis, que les merites, & les vertus de la Reyne, ne
pouuant estre dissimulez, l’on deuoit attendre
de son gouuernement, toute sorte de bonne conduite,
& par consequent de bon-heur dans le
Royaume, declarant qu’il est de l’auis des conclusions ;
le Prince de Conty, Prince du sang, fut



page précédent(e)

page suivant(e)