apres auoir conferé quelque peu de temps se separerent,
& en apres le dit Roy d’Angleterre
vint vers le Duc Charles, & ayant crié viue le
Roy, son Altesse de Lorrenne fit arrester toutes
ses gens & s’aduança pour parler au Roy d’Angleterre,
apres laquelle conference il commanda
à ces gens de ne point tirer sur les Mazarins.
Cependant le Duc de Beaufort s’estoit meslé
auec les ennemis & auoit deffait mesme deux
escadrons, mais voyant que les trouppes du
Mareschal de Turenne commençoient de l’enuironner,
& que les Lorrains demeuroient dans
leurs rangs sans tirer sur les ennemis voyant manifestement
la trahison, se desenuelloppa auec
vne adresse & generosité singuliere. La colere
augmenta son courage, mais la prudence le fit
retirer. Il prit incontinent sa route vers Paris, &
porta ces nouuelles de ce qui s’estoit passé au
matin, a son Altesse Royale. Ces nouuelles ne
furent pas plustost recitées dans le Luxembours,
que son Altesse Royalle, Madame la Duchesse, &
Mademoisselles en tesmoignerent des ressentimens
pleins d’indignations contre le Duc Charles.

Mademoiselle dit tout haut dans la cour du Palais
d’Orleans, que cette trahison auoit esté concerté
auec le Duc Charles, le Roy d’Angleterre,