Tousiours demeurer prés le Roy,
Auec luy n’aurois rien à craindre,
Mais ce coup i’ay souscy me plaindre,
Car lors que ie l’auray quité
I’ay peur de me voir mal traisté.
Enfin la fortune volage,
Ce coup me veut tourner visage,
Et me me faire à mon deshonneur,
Estre la butte du mal-heur,
Parce qu’il n’y a point de doute
Puisque l’ingrate me déboute
Des grandeurs dont elle m’a trompé,
Ie me verray mal équipé,
C’est pourquoy mon sort ie deteste,
Et contre mon destin ie peste,
Par vn mal-heur non attendu,
Ie me voye presque perdu,
Le feu au visage me monte,
Songeant a cét affront & honte,
D’y penser ce m’est plus grand peine,
Que si i’estois mais à la gesne,
I’ay donc sujet d’estre en fureur
Et puis deuenir resueur,
Puis que par accident estrange,
Il faudra que bien-tost ie change

page précédent(e)

page suivant(e)