de diuers en droits à leur secours, & de la
bonne volonté que les Prouinces tesmoignent
de toutes parts de vouloir seconder leurs genereux
& charitables desseins, & appuyer leur iuste
deffence de toutes leurs forces, il s’est finalement
resolu de dissiper par vn accommodement simulé,
l’orage dont il voyoit ne pouuoir autrement
éuiter le coup, esperant qu’ayant desarmé & priue
de Chefs vn si puissant Peuple, & attiré leurs
trouppes à son party, sous pretexte du seruice du
Roy, il ne luy seroit pas mal-aisé de se deffaire
auec le temps de ceux du Parlement, & de la Ville,
& qui se sont le plus puissamment opposez à sa
tyrannie, & voicy son raisonnement.

Si, disoit-il, ie puis attirer le Parlement à vne
conference particuliere hors de Paris, par des
Depucez qui ayent plein pouuoir de traitter, ie
remonteray infailliblement sur ma beste, car par
ce moyen il me sera beaucoup plus facile d’auoir
pour moy par le pouuoir que mon Demon me
donne sur les esprits de ceux à qui ie puis parler,
la pluralité de voix d’vn petit nombre que de tout
le corps du Parlement : Et d’ailleurs, ceux qui ont
tesmoigné plus de chaleur pour le public, n’oseront
pas accepter la deputation hors la Ville : Que
si par cas fortuit ils ont leur ordre si exprés pour
mon regard, qu’ils ne vueillent point consentir
que ie demeure à la Cour, ils ne refuseront pas
sans doute, d’accepter l’expedient que ie leur feray