Anonyme [1650 [?]], LA RESPONSE DE SON ALTESSE ROYALLE, Escrit à l’Archiduc Leopold, pour la Paix Generalle d’entre la France, & l’Espagne. , françaisRéférence RIM : Mx. Cote locale : B_8_20.
page précédent(e)

page suivant(e)

-- 5 --

voir dans les autres formes d’Assemblées, ainsi
que V. A. sçait : Le lieu peut estre entre Rheims
& Rethel, & le iour au dix-huictiesme de ce
mois, avec quoi ayant obey à V. A. quant
à nommer les personnes, le lieu & le iour. Il ne
me reste autre chose à dire, si ce n’est qu’à tout,
les paroles reciproques des Princes serviront de
sauf-conduit, & que i’envoye maintenant Dom
Gabriel de Toledo, pour asseurer à V. A. la sincerité
de mon intention en tout ce que je luy
propose, la grande estime que i’ay fait de la [1 lettre ill.]ettre
de V. A. & que conformement à icelle, i’ay
fait le premier pas en affaire si importante, en
esperance que V. A. fera les autres. Dieu veuille
conseruer la Serenissime personne de Vostre
Altesse longues années. Du camp de Bazoches,
ce 8. Septembre 1650

 

De Vostre Altesse
Son plus grand seruiteur & Cousin
Leopoldo Guill.

La suscription est, Au Serenissime
Seigneur le Duc d’Orleans mon Cousin.

A l’issuë de cette audiance Son Altesse Royale
pria le Nonce de Sa Sainteté & fut d’avis que
le Comte d’Avaux Plenipotentiaire de France
pour ladite paix & l’Agent de la Republique de
Venise, en l’absence de son Ambassadeur, ailassent
le iour suivant conferer avec ledit Seigneur
Gabriel Tolede, afin d’aprendre de lui s’il avoir



page précédent(e)

page suivant(e)