les iours, pour déliurer l’Estat de la mauuaise
volonté de ceux qui gouuernent maintenant
le Roy, & font tout leur possible pour le porter
à continuer le trouble pour leur seul interest.

Car qui ne trouuerra estrange la malice de
tels pretendus Ministres, qui abusans du bas
aage & de la simplicité, du nom & de l’authorité
du Roy, sous pretexte de vouloir la Paix,
& de dissiper les troubles qui ruïnent la France
entierement auec toute sorte d’intelligence
& de correspondance auec le Cardinal Mazarin.

Et de faict quand Monsieur le Duc d’Orleans
& la ville de Paris enuoyent des Courriers
en Cour pour auoir des Passe-ports &
Responses à leurs Lettres & Remonstrances,
ils les retiennent pendant le temps qu’ils iugent
estre necessaire pour attendre & receuoir
les ordres de Mazarin & les executer, & ne les
expedient que lors que les Courriers qu’ils lui
enuoyent sont de retour.

Ce qui fait assez voir que Mazarin ne s’est
point esloigné si loing du Royaume, qu’il n’ait
moyen de sçauoir iournellemẽt ce qui se propose
& se delibere tant au Conseil du Roy
qu’aux armées de Messieurs les Princes, & aux