LA RELATION DE TOVT
ce qui s’est passé au Conseil de Monsieur le
Prince, depuis son depart jusques a present,
enuoyé a son Altesse Royale.
Depuis que M. le Prince sorty de Paris, & que le C. M. se fut
retiré de la Cour, les affaires eurent quelque changement
en apparence, bien qu’en effet elles eussent leur mouuement
ordinaire, qui faisoit assez prejuger aux plus éclairez, les suittes
qu’on en apprehendoit ; on vit bien renaistre quelque calme
dans l’Estat qui ne pouuoit estre de longue durée, n’estant
fondé que sur la dissimulation qui tenoit le feu caché sous la
cendre ; mais qui ne l’esteignoit pas, si bien que les esprits estoient
demeurez comme en suspends dans l’attente de nouuelles
choses.
Monsieur le Prince voyoit la Reyne, & paroissoit sans ressentiment
du passé, bien qu’il en fut accueilly auec assez de
sujet de se deffier, apres auoir esté déja surpris : l’esloignement
du C. le i’asseuroit vn peu, & luy faisoit croire qu’il n’auoit rien
à craindre ayant la parole de leurs Majestez & celle de Son
Altesse Royale, & ni ayant plus de Ministre pour en abuser.
L’arrest auoit esté confirmé contre cét estranger & l’on auoit
declaré les trois Princes innocens ; de maniere que toutes choses
estoient assez bien pacifiées si elles eussent peu demeurer longtemps
en cet estat ; mais bien-tost les intrigues recommancerent,
qui cherchent toûjours quelque nouueaux sujets de trouble.
Monsieur de Chasteau-neuf fut destiné à la dignité de chef
du Conseil car les menées des frondeurs, qui auoient gagné S.
A. R. & chacun d’eux creut en luy seruant d’appuy s’establir
encor puissamment, & se donner plus de credit. Madame de
Chevreuse qui donnoit le bransle à cette affaire n’auoit pas manqué
d’instruire M. le Coadjuteur des moyens qu’il deuoit tenir
pour emporter cela sur l’esprit de Monseigneur le Duc d’Orleans,