que la nature ait iamais produits.
Les histoires nous font voir que les Lyons se
sont abstenus bien souuent de se trẽper dans
le sang des hommes, ils ne voulurent pas
toucher Daniel qu’on leur auoit ietté dans
la fosse, pour leur seruir de curée, vn seruiteur,
Romain fugitif trouua de la courtoisie
& de la douceur dans vn Lyon affamé
qu’on auoit l’asché sur luy pour le deuorer
& ce prodige arriua en recognoissance d’vn
bien qu’il luy auoit fait. Mais ô ! monstre
horrible & espouuantable, il nous a priué
bien d’autre sorte, car celuy l’à mesme qui
s’est non seulement rassasié, mais saoulé de
nostre substance, ne se contente pas de
nous auoir espuisez en sorte, que nous ne
sçaurions plus où puiser, si ce n’est dans la
source des calamitez, il veut encore paroistre
à nos yeux cõme vn spectacle de peine
& d’horreur, & nous faire voir malgré nous
l’image du sang qu’il a tiré de nos veines,
& qu’il a fait couler en plusieurs endroits,
& de la mesme façon que toutes les eaux
tendent à la mer, il semble que nostre sang
se va ietter dessus luy pour colorer & ses habits

page précédent(e)

page suivant(e)