Anonyme [1649], LA PASSION EXTREME QVE TESMOIGNENT LES BOVRGEOIS DE PARIS, POVR LE RETOVR DE SA MAIESTE en sa bonne Ville de Paris. , françaisRéférence RIM : M0_2734. Cote locale : B_3_6.
page précédent(e)

page suivant(e)

-- 6 --

quarante nuicts entieres qu’elle fut inondée des
eauës du Deluge, que deux ans en suitte elle demeura
sterille & ne porta aucun fruict. Monarque
incomparable, vous estes nostre astre & nostre
soleil ; Si vous estes plus long temps esloigné
de nous, que pouuons nous esperer sinon
vne continuelle sterilité, & que pouuons-nous
attendre que d’estranges malheurs & d’extremes
calamitez. Neantmoins, Grand Roy, nous
auons la créance que bien-tost vous retournerez
à Paris, & que vous ferez vne chose à laquelle
vous auez desia assez d’inclination. Venez
encore vne fois nous rendre heureux, & dissiper
par vostre presence les nuages de nos cœurs abbatus
de tristesse, l’vnique souhait des Parisiens
est d’auoir l’honneur de vous voir, & iamais
Prince ne fut plus desiré de son peuple, que vous
l’estes de vos seruiteurs. Que de ioyes, que d’allegresses ;
que de transports, que de contentements
apportera la veuë de vostre Maiesté, elle
nous fera oublier tous nos maux passez, &
nous donnera des esperances d’vn bien futur.
Vous verrez, Grand Prince, par experience
que nous sommes tous Vostres, & que nous
auons de parfaites inclinations pour vostre Maiesté ;
Nos langues vous donneront mille benedictions :


page précédent(e)

page suivant(e)