LA HARANGVE DES
Prouinciaux faite à la Reine, pour
le prochain retour du Roy en sa
bonne ville de Paris.
MADAME,
Plus nous viuons, & plus nous sommes malheureux :
Il semble que nous ne soyons nez que pour la douleur
& pour le martyre, & qu’à mesure que nous conceuons
quelque esperance nous en deuions estre punis, & d’vne
punition qui nous reduist au desespoir. Les Poëtes anciens
feignoient qu’il y auoit en enfer des suppliciez qui
souffrants eternellement de certaines peines n’en esperoient
point de soulagement : Nous n’en sommes point à la feinte,
MADAME, vne réelle & insupportable douleur nous
accable, & quelque grande qu’elle puisse estre elle, n’est encore
que peu de chose au prix de la crainte que nous auons
de n’en pas sortir.
Nous auions toutes fois pensé, MADAME, que vostre
douceur nous seroit moins seuere & qu’apres nous auoir
pardonnez vous nous en auiez faite auoit calmé les tempestes
de nos ames, & les rayons de vostre clemence auoyent dissipé
les nuages funestes qui formoient l’orage de nostre desespoir.
Mais quoy ? lors que nous croyons estre dans le calme
nous voyons tout d’vn coup s’esleuer les vents & la mer,