sans considerer qu’ils n’auoient ny la force
de faire obeyr, ny l’authorité d’exiger vne
obeyssance du tout honteuse & indigne de
ceux à qui ils s’addressoient pour la faire rendre.
Qu’est il donc arriué ? ce qu’vn homme
tant soit peu de iugement pouuoit predire
deuoir arriuer infailliblement : à sçauoir, le
décry d’vne mauuaise administration, la haine
irreconciliable des peuples, & de ceux qui
ont voulu la maintenir ; enfin la ruine totale
de l’autorité de ceux cy, & la victoire du
costé de ceux là.

A nous entendre parler de Guascons, on
diroit que nous faisons ce qu’ils disent, &
qu’ils disent ce que nous faisons. Il est à remarquer
pourtant, qu’en leurs querelles ils
ont le coup aussi prompt que la parole,
& que le plus souuent ceux qui se sont
rangez parmy nous demeurent de fort bon
accord, & vuident leur different dans le
cabaret.

Mais que dirons nous de leur conduite en
leur guerre ciuile ? voudrions nous soustenir
que nous auons eu plus de vigueur & de
force à la soustenir, ou plus d’heur & de gloire
à la terminer qu’eux ? non certes, si nous
ne voulons qu’on nous estime du tout insensez,