part des Princes, pour moy ie croy que le cardinal
Mazarin en veut faire vn magazin, car il
voudroit bien auoir ainsi beaucoup de personnes
de qualité pour respondre de sa personne.
Mais ie croy que voila les deputations finies,
puis qu’ils ont si mal traité ceux-cy : cela fait
bien voir aux Parisiens comme on les fourbe ;
mais enfin arriuera que ceux qui les trompent
se tromperont eux-mesmes. C’est ce qui a fait
resoudre Messieurs les Princes & le Parlement
de donner à demain Arrést d’Vnion pour tout
delay, & se declarer entierement contre le Cardinal
Mazarin & ses adherans : c’est vne chose
qu’il y a long-temps qui deuroit estre faite, mais
enfin il vaut mieux tard que iamais.

Ie ne sçay pas s’ils trouueront leurs seuretez
en Normandie, veu la resolution du Parlement
de Roüen, que vous auez aprise ses iours passez,
& mesme qu’ils auoient pris la Paille comme
icy. Au reste, s’ils veulent sauuer leur Prouince
dans vn temps que tous les biens sont sur la terre,
ils ne receuront point ny de Mazarin, ny de
troupes, ils sçauent comme il en a cuit aux autres.

FIN.