Paix, apres auoir gousté les amertumes du tẽps
par les derniers mouuemens passez, qui ont esté
dissipez par le bon regime & sage conduite
d’vne Reyne tres-Chrestienne & deuote, &
par la prudence & aduis de Monseigneur le Duc
d’Orleans autant accomply en merites, que recommandable
pour sa vertu, lequel à tousjours
combattu l’opiniastreté par sa constance,
& à l’exemple duquel nostre ieune Roy promet
à l’aduenir d’establir la Paix vniuerselle par toute
la Terre. D’autant que c’est vn grand bien
dans vn Estat quand on reconnoist aux bonnes
mœurs ceux qui approchent plus pres de la
personne d’vn Prince, & que l’instruction particuliere
qu’il en reçoit le orme a vne vertu plus
eminente, & c’est par ses sentimens que dans
son administration & gouuernement de Royaume
la France à esté esprise d’vne ioye excessiue,
& particulierement sa bonne Ville de Paris, en
laquelle les feux de ioye auec le bruit des Canons,
& les acclamations populaires ont retenty
en presence de leurs Maiestez accompagnee
de toute la Cour. Ce qui nous fait presumer
que nostre Hercule François, qui dans le commencement
de son regne ne produit que des
actions genereuses, continuera ses iustés entreprises

page précédent(e)

page suivant(e)