Anonyme [1652], LA DERNIERE RESOLVTION DV ROY. APPORTÉE A SON ALTESSE ROYALE, Par Monsieur le Marquis de Ioyeuse, Au contentement du Public. , françaisRéférence RIM : M0_1026. Cote locale : B_2_16.
page précédent(e)

page suivant(e)

-- 5 --

& Procureur du Roy, & de la Ville, au
nomde la maison de Ville, & de celle des six
Corps des Marchands, qui furent tres-bien receus
de sa Maiesté : mais qui ne remporterent
pas la satisfaction qu’ils desiroient.

 

Pour ce subiect Monsieur le Duc d’Orleans
en la derniere Assemblée qui se fit au Parlement,
le troisiesme d’Octobre dernier iugea
estre à propos d’enuoyer en Cour, le Marquis
de Ioyeuse, auec les deux anciens Escheuins
pour estre tesmoins de ce qui s’y feroit au subiet
de cette Amnistie.

Le Roy considerant qu’il estoit raisonnable
de donner ce contentemẽt à son Altesse Royale
son Oncle, & que d’attendre d’auantage, il
y auoit du danger à cause des grandes forces
que Messieurs les Princes auoient, & d’autres
qui leurs venoient encores, tous Estrangers qui
ne recherchent qu’à voir la France ruiner. Sa
Maiesté pour satisfaire au desir de son Altesse
Royale, comme aussi afin que l’honneur en demeurast
à la Maiesté, elle resolut les choses
suiuantes.

SCAVOIR.

Premierement, d’enuoyer à Monsieur le
Duc d’Orleans son Oncle, tout pouuoir de



page précédent(e)

page suivant(e)