Prieres publiques ne sont pas resolues que l’on
recognoist la Iustice des Armes de nos Princes,
par l’esclat de leurs Victoires, la Renommée publiant
à haute voix les progrez qu’ils ont faits &
remportez sur l’ennemy, & le Perturbateur du
repos Public, que l’on nomme Mazarin & celle
fondé sur l’equité qui accompagne toutes leurs
actions, & au moment que nous commençons
de reclamer la Misericorde du Tout-Puissant
pour obtenir la prosperité de l’Estat, & vne
bonne Paix. Nos Princes qui ont entrepris de
paruenir à vne si bonne & heureuse fin, reçoiuent
& en fassent iournellement Trophées sur
Trophées, & Victoires sur Victoires, lesquelles
prosperitez l’on peut dire auec verité estre les
plus solides fondements de la Paix que nous
esperons.

Que nous faut-il donc attendre des faueurs
Celestes, apres que nous luy serons entierement
sousmis par des actions de Graces Extraordinaires
que l’on se prepare de rendre,
sinon la destruction entiere de ceux qui ont
iusques icy causé les desordres, & empeschent
encores le Restablissement de la tranquillité
Publicque, lesquels malgré toute leurs
puissances, & les grandes exeortes esquelles
ils mettoient leur appuy, seront forcez de faire