de quatre cent mille liures sera donnée à
ses heritiers, & outre ce, luy sera fait vn
Tombeau deuant le grand Autel de l’Eglise
Cathedrale de Paris, deuant lequel sera entretenuë
eternellement vne lampe aux dépens
du public.

Que si tous ceux qui sont inuitez par ce present
memoire, fait pour le bien du seruice du
Roy & du Royaume, ne pouuoient heureusement
executer leurs genereux desseins,
toutesfois pourueu qu’il soit connu par quelque
effusion notable de son sang, qu’ils ont
hazardé le coup, ils seront recompensez de la
somme de quarante mille francs.

Et afin que l’on ne doute point de la certitude
de la recompense, on sera aduerty que les
sommes portées par ce memoire sont entre
les mains de Monsieur le Comte de Fontrailles,
demeurant ruë d’Anjou prés des Enfans
rouges, qui les deliurera, ou en deniers contants,
ou par lettres de changes payables à
Venise, Amsterdam, ou Hambourg, au choix
dudit executeur, qui doit s’asseurer que pourueu
qu’il fasse bien son deuoir on ne le chicanera
point sur sa recompense, au contraire il
sera gratifié du change en cas, qu’il vüeille receuoir
la somme hors de Paris.

FIN.