des Finances, si ce sont Ecclesiastiques,
des Eueschez, si ce sont gens
d’épées, des Gouuernemens & des Dignitez,
si ce sont gens de robe, des charges de Secretaire
d’Estat, ou d’autres à leurs choix.

A tous Sorciers, Vaudois, Magiciens &
Negromanciens, qui employant les secrets
de leur Art, & le pouuoir de leur Maistre,
par herbes, charmes, billets, images de cire
& paroles, deliureront le monde de ce malheureux
Estranger, qui en est le Perturbateur,
la somme portée par l’Arrest, auec le
restablissement de leur bonne fame & renommée,
en sorte qu’ils puissent aspirer, &
estre pourueus de toutes Charges, Offices &
Benefices.

A tous Confesseurs qui fortifieront dans ce
pieux dessein, ceux qui par foiblesse d’esprit
& scrupule sans fondement, leurs reueleroient
> à la Confession, les Abbayes & autres
Benefices du deffunt.

Si quelqu’vn poussé de l’Esprit de Dieu, &
touché de la misere publique, prefere le salut
du Roy & de l’Estat au sien particulier,
dans l’execution d’vne si haute entreprise, &
digne d’vne recompense eternelle, la somme