Louis (XIV), De Guénégaud [signé] [1649 [?]], LETTRES ET DECLARATION DV ROY, SVR LE SVIET DE SA SORTIE DE PARIS. Auec l'Arrest de son Conseil d'Estat, portant cassation de celuy du Parlement de Paris, concernant le logement des Troupes de Sa Majesté. , françaisRéférence RIM : M0_2289. Cote locale : A_1_1.
-- 6 --
cependant nous confians en vostre fidelité & affection
à nostre seruice, nous ne vous ferons la presente
plus longue ny plus expresse. DONNÉ à Paris
le cinquiesme Ianuier mil six cent quarante-neuf.
Signé, LOVIS. Et plus bas, DE GVENEGAVD.
Et en la suscription est escrit, A nos tres-chers &
bien-amez les Preuost des Marchands & Escheuins
de nostre bonne Ville de Paris.
AVTRE LETTRE DV ROY
aux Preuost des Marchands, Escheuins &
Habitans de ladite Ville de Paris.
Tres-chers & bien-amez, Nous vous fismes
hier sçauoir les raisons qui nous ont obligé à
sortir de Paris ; Maintenant nous vous faisons cette
Lettre, de l’aduis de la Reyne Regente nostre tres-honorée
Dame & Mere, Pour vous dire que nous
auons commandé à nostre Cour de Parlement de
Paris, de transferer sa seance en nostre Ville de
Montargis, auec deffenses de faire aucune fonction
de Iuges dans ladite Ville de Paris, & à nos Sujets
de les reconnoistre, ainsi que vous l’apprendrez
plus particulierement par les Lettres Patentes que
nous en auons fait expedier, dont nous vous auons
bien voulu enuoyer copie, ne doutant pas que
|