Louis (XIV), De Guénégaud [signé] [1649 [?]], LETTRES ET DECLARATION DV ROY, SVR LE SVIET DE SA SORTIE DE PARIS. Auec l'Arrest de son Conseil d'Estat, portant cassation de celuy du Parlement de Paris, concernant le logement des Troupes de Sa Majesté. , françaisRéférence RIM : M0_2289. Cote locale : A_1_1.
page précédent(e)

page suivant(e)

-- 9 --

en pouvons receuoir, puisque iusqu’à present rien ne
les a retenus de consentir a vn traité de paix, que l’esperance
qu’ils ont conceuë de la ruyne de nos affaires,
dans vn renuersement general de nostre Royaume,
qui seroit causé par les oppositions que nostre Cour
de Parlement fait à tous les ordres que nous donnons
pour le bien de nos affaires. Nous auons remis à
nos sujets trente quatre millions de reuenu que nous
receuions, & qui estoient portez en nostre Epargne :
de sorte que le reuenu ordinaire de nos Tailles
& de nos Fermes, est reduit à trente-six millions,
lesquels nous ne pouuons receuoir presentement,
puis qu’ils ne doiuent estre payez que dans des termes
fort éloignez. Ce qui nous auoit donné sujet
d’enuoyer vne Declaration à nostre Chambre des
Comptes, pour authoriser la remise que nous serions
obligez de faire à ceux qui feroyent des auances
de nos reuenus, pour subuenir aux despences presentes
de nostre Estat. Cependant nostredite Cour de Parlement
s’est non seulemẽt opposée à la verification de
cette Déclaration, mais mesmes quelques particuliers
de cette Compagnie ont sollicité les Officiers de nos
Comptes de la refuser. Ainsi l’on connoist aisément
les mauuais desseins qu’ils ont d’empescher que nous
n’ayons aucun secours dans les necessitez publiques,
qui sont telles, que s’il n’y est promptement remedié,
nous n’auons point moyen de payer nos gens de
Guerre, ny d’entretenir les garnisons des places les
plus importantes de nostre Royaume. De sorte que
nous serions enfin reduits à telle extremité, que nous


page précédent(e)

page suivant(e)