Mazarin luy fit cognoistre qu’il importoit, au seruice
du Roy & à sa satisfaction particuliere de faire vn exemple
sanglant de cette ville & de ses Senateurs, pour intimider
les autres Compagnies souueraines, & les mettre
hors d’estat d’oser plus s’opposer à ses desseins.
Il fait reuenir en Guienne les Troupes de Monsieur le
Comte d’Alais, pour les ioindre à celles du Duc d’Espernon,
& le rendre maistre de cette Prouince, afin
de meriter l’alliance de ce Gouuerneur, par la passion
qu’il tesmoigne pour luy, contre le bien du seruice du
Roy & de l’Estat, & faire cognoistre que ses amis particuliers,
ressentent de plus puissans effets de sa protection
que ceux qui reclament l’authorité du Roy, & la
faueur de Monsieur le Prince comme a fait Monsieur le
Comte d’Alaix.

Le Cardinal Mazarini pour auoir pretexte de bannir
Monsieur le Duc de Beaufort du Palais Royal, & le rendre
criminel dans l’esprit de la Reine, tesmoignoit souhaitter
que sa Maiesté luy ordonnast, de saluer en sa
presence ce Ministre, & qu’il promit de dissimuler le
ressentiment du mauuais traitement qu’il a receu de luy,
mais comme il n’auoit autre intention que de luy faire
mettre vne desobeyssance, & qu’il esperoit par ce
moyen, auoir vne nouuelle occasion de luy rendre de
mauuais office, & ainsi aduancer sa perte, il a esté surpris,
sçachant que ledit sieur Duc de Beaufort estoit resolu
de ne pas contester en presence de sa Maiesté, &
qu’il vouloit luy tesmoiger en cette occasion ses respects
& son obeyssance ce qui a fait que ledit Cardinal
Mazarin ne s’est plus voulu contenter de cette ciuilité,