Fouquet de Croissy, Antoine [?] [1649], LE COVRRIER DV TEMPS APPORTANT CE QVI SE passe de plus secret en la Cour des Princes de l’Europe. , françaisRéférence RIM : M0_825. Cote locale : C_1_47.
page précédent(e)

page suivant(e)

-- 15 --

les cinq millions cinq cens mille liures qu’il a sur
nostre banque.

 

De Mantoüe duAoust

On fait icy de grands preparatif pour les nopces de
son Altesse auec l’Archiduchesse d’Insprué, elles ont esté
resoluës sur les aduis que le sieur Nerly nostre Ambassadeur
en France nous a donné du mespris que le Cardinal
Mazarini a tesmoigné pendant deux ans des recherches
que nostre Duc a fait d’vne alliance Françoise. Ce
Ministre croyoit par ce moyen le necessiter a luy demander
en mariage vne de ses Niepces, en faueur duquel
il faisoit esperer de luy rendre Cazal, de luy donner
des sommes d’argent tres considerables, & luy faire adiuger
les biens de la succession de Mantouë située en
France qui luy sont contestées par la Reyne de Pologne,
& la Princesse Palatine. Nous auons aduis certain, qu’en
mesme temps qu’il les promettoit, il les faisoit offrir à sa
Maiesté Polonnoise, pour l’obliger de faire ses instances
aupres de sa Saincteté pour la promotion au Cardinalat
du Seigneur Abbate Manzini son allié, ce qui a fait
perdre en cette Cour le peu de confiance qu’on auoit
conserué pour ce Ministre, qui abuse aussi ouuertement
les Princes souuerains que les particuliers, & promet à
plusieurs, ces mesmes choses qui ne sont pas en sa disposition,
& qui dépendent du iugement que le Parlement,
(sur lequel il n’a aucun credit) en rendra.

De Cazal duAoust

Nostre garnison est foible, & nous apprehendons
d’estre attaquez en l’estat où nous sommes. Nous auons



page précédent(e)

page suivant(e)