Anonyme [1652], LES ARTICLES DE LA DERNIERE DELIBERATION DE MESSIEVRS LES PRINCES, AVEC LES BOVRGEOIS de la Ville de Paris. Faite en Parlement & en la Maison de Ville les 6. & 8. Iuillet 1652. , françaisRéférence RIM : M0_411. Cote locale : B_5_42.
page précédent(e)

page suivant(e)

-- 5 --

Et que si tant estoit (ce que Dieu par sa bonté
vueille détourner) que le Roy vienne à deceder, declarons
que nous entendons recognoistre apres son deceds
pour nostre Roy & souuerain Seigneur Monseigneur
le Duc d’An ou vray & naturel heritier & successeur
de la Couronne, & durant sa minorité Monseigneur
le Duc d’Orleans legitime Regent & Gardien
du Royaume à qui cette preéminence appartient auec le
Conseil cy-dessus pour la commune direction & administration
des affaires du Royaume sans souffrir qu’autre
soit admis à la Regence du Royaume, ny mesme la
Reyne mere du Roy, au preiudice des loix de l’Estat.

 

V.

Que s’il arriuoit que ses vsurpateurs qui sont tres-experts
a l’imiter le terme de la vie, & comploter la
mort de ceux qui seruent d’obstacle à leurs desseins &
entreprises, & qui ont accoustumé d’employer le cousteau
& [2 mots ill.] pour en aduancer les effets vinssent à
attenter par ses moyens abominables à la vie du Roy &
de Messieurs les Princes, nous iurons deuant Dieu d’en
rechercher la iuste vengeance par toutes voyes de droit
& defait à nous possibles tant sur eux que sur leurs adherans
domestiques & estranger, afin de laisser en leurs
personnes vn exemple memorable à la posterité, tant
de la fidelle affection de vrais sujets, que de la iuste punition
d’vne perfidie & impieté si derestable & à cette
fin employer & no moyens & nostre vie iusques à la
derniere goute de nostre sang, & adiurer à nostre posterité
d en faire le semblable apres nous.

VI.

Et afin de pourueoir à vn tel accident, & à la seureté
du Royaume contre les desseins de l’Estranger & au
gouuernement & administration d’iceluy au deffaut



page précédent(e)

page suivant(e)