notable de Presidens & de Conseillers, on luy en
va bien ioüer d’vn autre. On pousse viuement
contre luy les deux iours ensuiuant, tant qu’il
fut donné vn Arrest authentique, toutes les
Chambres assemblées, par lequel on declare le
Roy prisonnier du Mazarin, commandement
aux Officiers & Capitaines des Gardes de ramener
Sa Majesté, & qu’ils en respondront & leur
posterité. Son Altesse Royale declarée Lieutenant
de l’Estat & Couronne, Monsieur le Prince
General des armées sous les ordres de Sadite
Altesse, laquelle emploiroit au nom du Roy
tous les moyens qu’elle croiroit iustes & legitimes
pour deliurer la personne de Sa Majesté, &
chasser Mazarin hors du Royaume, & que Lettre
Circulaire seroit écrite à tous les Parlemens
& Villes du Royaume de faire le semblable.

Cét Arrest fut vne bascule au Cardinal Mazarin :
neantmoins sur la nouuelle qu’on en porta
à la Cour, quelques Mazarins n’en sirent que rire,
demandans au Courier si le Duc d’Orleans
estoit Roy de Paris, qui leur respondit, il est autant
Roy de Paris, que le Cardinal est Roy de
France. La bouffonnerie du Cardinal recommença
son jeu à l’aspect du Courier, disant en
presence du Roy, hé bien, nos rebelles ont-ils
fait vn nouueau Roy, à quoy le Courier respondit ;
ils ne pretendent pas de faire vn nouueau
Roy, mais bien vn nouueau Ministre. Le Roy