Anonyme [1649], DECISION DE LA QVESTION DV TEMPS. A LA REYNE REGENTE. , françaisRéférence RIM : M0_871. Cote locale : D_2_9.
page précédent(e)

page suivant(e)

-- 3 --

DECISION
DE LA QVESTION
DV TEMPS.

A LA REYNE REGENTE.

MADAME,

Encore que ie sçache bien que depuis quelque temps
Vostre Maiesté se soit renduë inaccessible & inexorable aux remontrances
& aux prieres. Qu elle ait non seulement fermé les
oreilles, mais mesme chassé de sa presence, & banni de la Cour tous
ceux qui affectionnez au seruice du Roy, au repos de la France,
ont par vn zele de charité Chrestienne, & vn cœur veritablement
François, essayé de luy presenter l’estat deplorable, où se
trouuent reduits tous les peuples, par la mauuaise administration
de ceux qui regissent sous vostre authorité. Neantmoins comme
la foy m’apprend que les cœurs des Grands sont en la main de
Dieu : qu’il change leur dureté, & les amolist par sa misericorde
quand il luy plaist : Et que nostre Seigneur nous commande dans
l’Euangile de demander auec instance, ayant luy-mesme accordé
aux clameurs importunes d’vne femme, ce qu auparauant il auoit
refusé à sa priere auec iniure. I’ay creu qu’enfin Dieu toucheroit
le cœur de Vostre Maiesté : qu’il ne permettroit pas que les larmes
de tant d’innocens fussent inutilement respanduës que les vœux
qu’ils font incessamment prosternez à ses pieds deuant l’Autel, seroient
exaucez, qu’il romproit les charmes, dont ses ennemis &
ceux de l’Estat ont enchanté vostre Maiesté, & osteroit ces cataractes



page précédent(e)

page suivant(e)